Faaiuina taamilosaga Volipolo, Lionheart Promotion

E 7 ‘au a tamaitai ae 6 ‘au a alii sa tausinio ma tauva i le ta‘i $5,000 o se taamilosaga muamua lea ua faia i Kuiniselani ua maualuluga ni faailoga.

O lenei taamilosaga sa faafoeina e le Lioheart Promotion, a le afioga ia Fuamatu Alex Leapai ma le faletua faapea ona uso ma le aiga atoa.

Na amataina i se sauniga sa tapenaina e le susuga ia Rev Tausini Tagaloa o le ekalesia LMS Pasefika i Logan.

Na momoli le agaga faafetai o le Team a le Lionheart i ‘au uma sa tauva. O le iuga o le tausinioga na sola ma le ‘au a tamaitai Leauvaa Giants le manumalo ae o le ‘au a le Bangerz i le ‘au a alii sa saili siamupini ma le ‘au a alii mai Samoa lea o loo iai pea i Kuiniselani.

Na maua le ta‘i $5,000 a le ‘au manumalo (tamaitai ma alii na tofu ma le seleni). Na maua foi pine auro a le autaaalo.

Tulaga lua sa maua le ta‘i $3,000 ma pine siliva i ‘au uma e lua (alii ma tamaitai). Tulaga tolu sa maua le ta‘i $1,000 ma pine apamemea.

Na iu manuia le faamoemoe i le alofa ma le agalelei o le Atua, ma na momoli le agaga faafetai o le afioga ia Fuamatu Alex, Leati, Faasoo, Leapai, uso ma aiga uma i le mamalu o le atunuu aemaise o ‘au uma sa tausinio.

Ua alo atu nei le Lionheart i le isi ana taamilosaga tele i le masina o Tesema o le liki kirikiti lea e oo atu lava i le $20,000 le manumalo; e lelei tele faaailoga pe afai e fia moomia le faafesootai mai o se aukirikiti mo le liki lea a le Lionheart, ona valaau mai lea o le numera lea 0431 098 009.