Taaloga a Spain ma Belgium na laufali ai le alii mai Romania lea na manumalo ai Belgium ma au ai Romania i le RWC 2019

Taaloga a Spain ma Belgium na laufali ai le alii mai Romania lea na manumalo ai Belgium ma au ai Romania i le RWC 2019

Ua mae’a suesuega faapitoa a le World Rugby i taaloga e aafia ai Samoa ma au mai Europa mo le Rugby World Cup (RWC) 2019. Ua faaleaogaina ai e le World Rugby le avanoa o Romania i le Rugby World Cup (RWC) 2019.

Ua faaaleaogaina foi ma le avanoa o Spain e taaalo ai ma Samoa mo le isi avanoa i le RWC. Ae o le a sue e Siamani ma Portugal poo ai o le a taalo ma Samoa mo le isi avanoa i Iapani i le i le Ipu o le Lalolagi i le tausaga fou.   

O nei suiga e mafua mai i le faataaalo e Romania, Spain ma Belgium o tagata e le tatau ona taalo mo latou. E fitu taaloga a Romania i le Rugby Europe Championship na faaaogaina ai tama taalo e le agavaa ona taaalo mo Romania. O taaloga nei e fit una maua ai le avanoa o Romania i le Ipu o le Lalolagi.

I le faaiuga a le Wold Rugby na toesea ai ‘ai e lima mai ia Romania, Spain ma Belgium i le taamilosaga i Europa i taaloga uma na taalo ai tagata e le agavaa. Ona sili ai lea o Russia i le faaiuga ina ua toesea ‘ai mai ‘au nei e tolu.

O Rusia na muamua ave le latou  faitioga World Rugby, na afua ai ona faia suesuega ma faia ai loa le faiauga e pei ona toesea mai ai ‘ai tailima mai ‘au e pei ona ta’ua, ma maua ai loa ma le avanoa o Rusia e sao atu ai i le Ipu.

O Rusia o le a taaalo i le Pool A, lea sa tuu e taaalo ai Romania. O le lua ai lea o Ipu ua sao i ai Rusia. O le Pool lea o loo iai Sikotilani, Aealani ma Iapani. O Russia foi o le a tatalaina le RWC 2019 i le taaloga amata ma Iapani.

O se au e malo mai taaloga o loo loma nei a Portugal ma Siamani, o le a taaalo ma Samoa e saili ai le au e faaatoaina au o le Pool A, afai la ae mnuia le taumafaiga a le Manu Samoa, o lona uiga o Samoa o le a taaalo i le Pool A, faatasi ma Sikotilani, Aealani, Iapani ma Rusia.

Na faalia e World Rugby le matuia tele o le solitulafono ua faia e Romania, Spain ma Belgium, aemaise ai le filifiligsa o le laufali mai Romania e faafoeina le taaloga i le va o Spain ma Belgium lea na mafua ai ona maua le avanoa o  Romania i le RWC.

O le filifilia ai o le laufali mai Romania mo lea taaloga e lē o se tulaga sa’o lea auā o Romania e manuia ai i ni faaiuga piopio e pei ona faia.

Na faitioina e Spain lea faaiuga ae e lei faia le taaloga i le va o Spain ma Belgium.

O le faaiuga muamua ale World Rugby na faaleaogaina ai le faaiuga o le taaloga a Spain ma Belgium, lea na manumalo ai Belgium ma sao ai Romania i  le RWC. Na faatonuina foi ma le toe faia o le taaloga lea i lalo o se laufali e le faaituau.

Ae ina ua toe maua e le World Rugby nisi faamatalaga fou i le faaletonu lea, na atili faigata ai le mataupu i le aafia o tulafono eseese o le faataaloina o tagata e le agavaa, na faia ai loa se faaiuga e le  Independent Judicial Review Panel poo le Laulau Faapitoa sa iloiloina lenei mataupu e

O le tofia ai o lenei Laulau Faapitoa na faatagaina lea i lalo o tulafono a le Rugby World Cup 2019, mo ni mataupu faafuasei mo se faaiuga e tatau ona foia ise taimi vave i lalo o le pulega a le RWC 2019. E toatolu i latou na tofia mo lea Iloiloga taua (Mr Justice James Dingemans (Chair), Mr Justice Peter Fraser ma Mr Justice Lex Mpati).

E ese mai lea Iloiloga le suesueina o faaletonu na tulai mai i le va o tama taalo a Spain ma Belgium i le taaloga lava lea.   

O le taiala mo le Independent Judicial Review Panel na manino lava, e aafia ai vaega nei:

• O le faaiuga o le taaloga i le va o Belgium ma Spain i le aso 18 o Mati na fesiligia ai le tofia o laufali faaituau mai Romania. O le tofia ai o le laufali lea ua fesiligia ai le faaiuga o le taaloga na manumalo ai Belgium ma sao ai Romani i le RWC 2019

• Saili pe ua solia e atunuu ia e tolu le tulafono a le Wolrd Rugby Mataupu 8 (Eligibility) poo le agavaa.

I sailiiliga a le Laulau na faamaonia ai faaiuga nei:

• E faafitu ona faaaogāina e Belgium i taaloga e fitu tama taalo e lē tatau ona taaalo mo Belgium

• E faavalu ona faaaogāina e Romania le tama taalo e toatasi e le tatau ona taalo mo lea atunuu i taaloga a le Europe Championship, o taaloga e ono o taaloga mo le RWC i Iapani

•E iva taaloga na faaaogā ai e Spain tama e lē agavaa i le va o le 2017 ma le 2018. E 8 o taaloga ia mo le RWC 2019

O le faaiuga a le Laulau e tusa ai ma le tulafono (Regulation 18) ua iai le faaiuga faapea:

• E lima ‘ai e toesea mai taaloga uma na faaaogaina ai tama taalo e le agavaa

• E £25,000 ($50,000 NZD) e faasala ai atunuu ia i le solia o le tulafono (Regulation 8)

• O le sala a Belgium e £125,000 GBP

• O le sala a Spain e Spain: £50,000 GBP

• O le sala a Romania e £100,000 GB

• E toesea le ta’i 5 ‘ai (points) mai taaloga uma na auai tama taalo e le agavaa, o ia faaiuga na faaleaogaina ai le auai o Romania i le RWC, ma toesea ai ‘ai mai ia Spain ma Belgium ma maua ai loa ma le avanoa o Russia i le RWC 2019. O Siamani o le a sui ia Spain i le taaloga ma Portugal e saili ai le sui a Europa e taalo ma Samoa.

O le taaloga a Samoa ma le sui mai Europa o le a faia lea i Apia i le aso 30 o Iuni ma Europa i le aso 14 o Iulai. O le ‘au e manumalo i le taaloga lea ma Samoa o le a ofi i le Pool A. O le ‘au e faiaina, e iai pea ma le isi avanoa e tauva ai i le Repechage mo le avanoa i le Pool B.