Faailoga le 50 tausaga o Litia Sia Magele

Na saunoa le susuga i le faafeagaiga ia Daniel Atioo mo le upu faafetai ma faalaeiau i le soifua o le tina ia Litia, e pei ona faatasitasi ai ona tauaiga ma aumea mamae i le malu o taumafataga i Roxburg Park, i le Aso Sa na tuanai atu, e faailoga faatasi le aulia ma le manuia o le limasefulu (50) tausaga o le tina.
Na auai le Ekalesia a le Harvest Time mai Gladstone Park ma nisi o tamalii o le atunuu, na matagofie ai le aso o le tina, mae‘a le upu a le Atua ona alo lea i le taumafataga na fiafia faatasi uma ai le valaaulia ma ona aiga.
O le tatalo a ou aiga ma lau Ekalesia, ina ia faaopoopo e Ieova nisi tausaga mo lou soifua, ma saga faamanuia ia te oe. Alofaaga e lē mavae o ou aiga uma i Melepone, aemaise o au uo ma aumea mamae.