Ole faaiuga ole vaiaso talu ai mo le tolu aso na faataunuuina ai le Fono faavaomalo ale kamupani numera tasi ile lalolagi ile faatau tuusa‘o atu o telefoni ma fesootaiga ma auaunaga moomia le ACN i Sini nei.
Na malaga mai ai taitai iloga ole kamupani mai Amerika ia Tony Cupisz aemaise Franco Lafranco mai Kanata faapea nisi sui sinia ole kamupni. Ose tolu aso na vaaia ai le eseese o tagatanuu ole lalolagi o nonofo i Ausetalia nei, lea na filo ai lava ma taitai iloga muamua a Samoa ile ACN susuga Poata Ah Voa ma Deborah Tavita.
O lea tolu aso na taualuga ile faauuina o tofiga fou ia i latou ua maoae le amataina o latou pisinisi e aofia ai RVP Samoa ia Jannis ma Spencer Fatuleai mai Leulumoega Tuai mai Melepone. O laua nei ua avea ma Samoa lona lua ua ausia le Sui Peresetene na tofia iai Poata Ah Voa ma Deborah Tavita ile 2015 ile Fono Faavaomalo na faia ile Gold Coast.
Ole Aso Sa na taualuga ai le Fono i Sini sa toe faaeaina ai foi ele kamupani nei tamalii sailimalo ia Poata ma Deborah. Sa faapea na silasila le afe ma afe o sui usufono ae faalauiloa ele Pule Sili mai Amerika Tony Cupisz le avea o Ah Voa ma Tavita ma Sui taualoa ole kalapu ale Peresetene faapea le numera tasi ile faatupulaia o pisinsi ua ola ma alualu i luma.
