O se tasi lenei o aoga e sili atu ona toatele ai alo ma fanau Samoa. Soo se faamoemoe lava e sili lava ma numera silia le lagolago a mātua Samoa ona o le toatele o alo o si o tatou atunuu o loo a‘oa‘oina ai. E leai ni faafitauli e ono tulai mai auā e mamalu le faamalumaluga a faiaoga ma le faufautua a mātua.
O le po o le Aso Faraile, 19 o Aukuso na faatumulia ai le aoga a Glenala i le faaaliga o tu ma aganuu a atunuu o le Pasefika.
O se faamoemoe na fauao ma faupo ma na iu manuia e ala i le opogi fiafia e mātua na faatasi atu ma molimauina faafiafiaga eseese aemaise o tu ma aga masani sa faaalia i lea afiafi, e lē gata o Toga, Rarotoga, Niue, Papua Niu Kini, Atu Kuki, Fiti e aofia ai ma Samoa.
Na matuai sioa le aupapalagi i le mataalia o tamaiti mai le Pasefika ia latou faafiafiaga a o tau faaofiofi totonu o le Hall tele a le aoga i le toatele o le au maimoa.
