E tāua Tamā i le Aiga Samoa i Logan City

E lei tuumāmāina pe faatauagavale le Aiga Samoa i le tele o sao tāua o Tamā i totonu o aiga, o lea na lei faatafa ai le mamalu i le faalapotopotoga e tapena se fuafuaga e faaailoa atu ai ia i latou le alofa naunau. O le po o le Aso Toonai a o lumanai le Aso faapitoa mo Tamā i le faaiuga o le vaiaso talu ai, na faataunuuina ai se fiafia tele ua lē gata o se taumafataga ae o se siva faaleaiga e fiafia ai ma tamā o le Aiga Samoa. Na mafai ona valaaulia uo asiasi mai, ma na sioa ma pati le aumaimoa ile matagofie o faafiafiaga a le autalavou.

Na pei e kepu tagata uma i se falekalapu i le alu i le atoa o le siva a o patu‘i ma tatagi mai ole DJ logomalie  a le tama ole Ainiusami, le susuga ia Peni Fenunuti, faafufusi ai le uosi a le ulugalii ia i luga o le fola a o fepulafi mai manufelelei o le po ma autilotilo mai i faamalama.

Se mea ina a manaia o le see malamalama e lē gata i le susulu malolosi o moli, ae leai se ‘au faatupufaalavelave, auā e matuai sa taputapu se ‘ava malosi ona iloa i lea foi faalapotopotoga.

E uma le po e lei manifi le anoano o le taumafa auā na fuli tina e faatepa tamā ia latou gaioiga ma teuga auā le faamatagofieina o lea aso faapitoa. O le Peresitene o le faalapotopotoga, o le susuga ia Tareta Hakula Siakisini ma le faletua ia Anne. Na ta‘ape le aofia ma le olioli ma le fiafia i lea afiafi auā na atili faamausaliina ai pea  mafutaga mafanafana e ala i le fealofani.

O le fofoga o le po o le faletua ia Susana Meleisea.