Ps Sam Afamasaga & faletua ia Emma, faapea le faletua ia Alofa Ah Siu faatasi ma se vaega o toeaiina ma faletua Ekaleia SDA Ipswich ile latou sapati valaaulia

Ps Sam Afamasaga & faletua ia Emma, faapea le faletua ia Alofa Ah Siu faatasi ma se vaega o toeaiina ma faletua Ekaleia SDA Ipswich ile latou sapati valaaulia

Pe ete talitonu pe ete fefe, pe ete palaai, pe ete lē ano iai, pe ete lē fiafia foi iai, “E iai lava le aso e mu ai le lalolagi”. Ole lua afe tausaga mai ia Atamu ia Noa, luaafe tausaga mai ia Noa ia Iesu ma le luaafe tausaga mai ia Iesu i lona toe afio faalua mai ua ova ma le luaafe tausaga.

O vaega uma nei sa afea ile saunoaga ale susuga ia Pr Samuelu Afamasaga na ia manavaina se feau faapitoa mo le fanau faatalitali ale Atua.

Ole tele ole aufailotu oloo alalaga pea ile maoa’e ole alofa tunoa ole Atua, ma lona alofa le mavae mo lana fanau i lenei lalolagi oloo tatou sapi ma aumau ai.

Na ta‘ua ele failauga le 2 Peteru 3: 10-13 “Ae sau le Aso ole Alii pei ose gaoi”….. o lona uiga e le mailoa e se tasi ua na ole Atua lava ma Iesu. E faatalale lava o tatou manatu ae avea feau folafola a auauna ale Atua e fai pea ma faamanatu i o tatou loto ma agaga. E iai upu ale atunuu “E tu manu ae le tu logologo.”

E le o mapu lava le galuega tala‘i a ana auauna o i tatou nei oloo fafagaina o tatou agaga auā le tapenaina o agaga mo le Atua ele gata o aso faisoo ae faapea aso faigata ua tatou vaaia le tele o o suiga fou ua vaaiga nei e ao lava ona tatou mataala auā a tatou manatu faalemafaufau ise tagata gaoi e le mafai ona faatulou mai le gaoi o ia laa sau ile ta ole fia ma le aso fia.

Ose lauga na toe fafagu mai i loto ma finagalo o tagata lotu ina ua valaaulia nisi mo se sapati valaaulia ale Ekalesia Aso Fitu ole Toe Afio mai i Ipswich ile Aso Toonai ua tuanai. Ose upu faalaeiau sa taitaia ele susuga ia Samuelu Afamasaga ole faafeagaiga ole SDA i Logan City.

Na siitia e lana auauna, Pr Samuelu Afamasaga ni mau mai le Tusi Paia e toe faatupu manatu i nei aso ile tele ole mau mea ua tutupu e faaleano iai le toatele ae logomalie e fai ma luitau.

O Pr Samuelu Afamasaga ose auauna ua lauiloa ele toatele ole ekalesia ile ‘oa ma le tamaoaiga oloo momoli mai e ana feau faamalosi. Sa avea ma taitai ole Misiona i Samoa ini tausaga ua tuanai faapea se taitai Autalavou ole Pasefika ma nisi tofiga.

Ua ova ma le tolusefulufitu tausaga o galulue ma le faletua e oo mai lava ile taimi nei.

Comments

comments