E Lē mo Nei ae mo a Taeao

Le tamaitai faauu o Siautu Alefaio-Tugia ma ona tuaa, susuga i le faafeagaiga malolo ma le faletua, Rev Simatavai & Matautu Alefaio

O le tamaitai o Siautu Alefaio Tugia, ua 40 nei tausaga o lona soifua, o le alo lona lua o le susuga i le faafeagaiga ia Simatavai Alefaio ma le faletua ia Matautu Alefaio, o ē sa galulue faafaifeau i le galuega a le Atua i le Ekalesia PIC i Papakura, ae ua malolo nei ona ua matua lo laua soifua.

Sa faauu mai Siautu Alefaio Tugia i MONASH University i Melepone ma le faailoga Degree of Doctor of Philosophy (Education Psychology specialization), ma na o ia foi le Samoa sa iai i lenei faauuga tele e pei ona faataunuuina i Melepone Ausetalia.

E tolu tausaga sa ia galue ai ma ave faavaitaimi lenei faailoga ona o le pisi o tiute ma faiva e pei ona valaauina ai.

O se mitamitaga i mātua ma aiga ona ua faaiuina ma le manuia le tausinioga sa finau ai lenei tamaitai, ae ua avea ai foi o se tulaga maualuga ua faaeaina ai le tapuaiga a mātua faapea aiga sa tu‘i le mulipapaga ma nofo tatalo.

E 15 tausaga o galue Siautu o se Registered Psychologist i Niu Sila, ma o se tagata e loloto lona silafia i galuega i totonu o aoga (education), soifua maloloina (health), social services, community i Niu Sila, Ausetalia ma le Pasefika.

Ae o le sini autu ia te ia i le faailoga ua ia umia, o le faailoa lea o se manatu i totonu o lana matafaioi lea o se Psychologist, auā o le tatou iloa faasamoa lava lea o loo taumafai e tau lafo i totonu o le displine o le Psychology.

O le tausaga e 2008 na galue ai i lana konekarate mo le Department of Correction e toe atiae atili ai le latou polokalame o le Saili Matagi i totonu o le falepuipui, ma toe iloilo atili le vaega o le psychology i le tatou aganuu Samoa.

Ma sa toe foi i Samoa ma fai ana faafaletui ma nisi o faifeau toeaina le susuga ia Rev Utufua Naseri, faatonusili aoga EFKS Rev Vavatau Taufao ma le faletua ia Roina Vavatau, faapea le Ao o le Malo Tui Atua Tupua Tamasese Efi, le afioga i Le Tagaloa Dr Pitapola faapea le afioga le Minisita ia Fiame Naomi Mataafa o i latou uma ia sa sasaa mai lo latou silafia ma faasoa i tu ma le aganuu a Samoa

Ma ua avea lea matupalapala e toe timata ai le upega i auala e talafeagai mo le fofoina o le soifua maloloina lelei o aiga, nuu ma atunuu.

Nisi o faailoga na ia Ausia

2007-2014:

PhD – Education Psychology – Monash University, Melbourne Australia

1999-2000:

Postgraduate Diploma of Education Psychology – Massey University, Albany New Zealand

1997-1998:

Master of Arts (MA, Education) University of Auckland, Auckland New Zealand

1994-1996:

B.A., Education (major) English (minor) University of Auckland, Auckland New Zealand

Talaaga o Galuega

1998 – 1998:

Assistant Psychologist, Diagnostic Unit Child Youth and Family Services (CYFS) Otahuhu New Zealand

1999 – 1999:

Youth Mental Health- Centre for Youth Health, Papatoetoe, New Zealand

2000 – 2003:

Various Positions (Special Education Adviser, Registered Psychologist, Policy Adviser, Ministry of Education Regional and National Office, New Zealand

2004 – 2004:

Programme Director/Registered Psychologist, Affirming Women, Auckland New Zealand

2005 – 2007:

Private Practitioner, Consultant, Policy Adviser, -Galuola Psychological Services, Area-Wide Co-ordinator, Manurewa Enhancement Initiattive, Ministry of Education, New Zealand

Pacific regional development: Youth leadership personal development training (Fiji and Samoa)

2007 – 2007:

Short Course Lecturer, Monash University, Melbourne Australia

2007 – 2008:

Senior Psychologist, Department of Correction, New Zealand

2009 – 2014:

Senior Professional Clinician/Registered Psychologist, Massey University, Aotearoa New Zealand

2015:

Senior Lecturer/Registered Psychologist, Massey University, Aotearoa New Zealand