O le afioga ia Peseta Vaifou

O le afioga ia Peseta Vaifou

Na afio faapitoa mai lava le Afioga a Peseta Tevagaena, o se tasi o faipule o le tatou Malo o  Samoa mo se aso e tasi, e fai se la talanoaga ma lana loia, le Afioga a Leuluaialii Olinda Woodroffe, i lona ofisa i Queen Street, i Aukilani i le Aso Tofi aso 19 April 2018.

O le auga o le talanoaga, o le auiliiliina lea e Peseta ma lana loia le faaiuga a le Court of Appeal a Samoa i le aso 13 Aperila 2018, lea na lē faaaogāina ai le tagi a Peseta, e faamasino papalagi e toatolu mai Niu Sila, o latou mau, e lei faaituau le faaiuga a le faamasino na faia le faamasinoga a Peseta i le Supreme Court a Samoa, o Justice Tauala Warren.

O le suesueina e le Court of Appeal i soo se atunuu se mataupu e fesiligia ai pe na faaauau  se faaiuga ona fai ese faamasino o se faamasinoga maulalo, e lē o se fesili faigofie i faamasino o se Court of Appeal, poo le Faamasinoga Apili.

O le tagi a Peseta na ave i le Court of Appeal, e toe iloilo e le Court of Appeal le faaiuga a Justice Tuala Warren, ona e lei talitonuina e lea faamasino molimau uma lava na tuu i ona luma e Peseta ma lana loia, ae na ia talitonuina ma vivii le itu a Laauli Schmidt, Apulu Polu ma Martin Schwalger. E oo i tulaga na talitonu Peseta ma lana loia, e faasā i le tulafono ona fai e se tagata ola, sa taliaina e le faamasino o le Faamasinoga Maualuga a Samoa, Tuala Warren. O le apili a Peseta sa faavae i tusitusiga na maua e Peseta, ma ave ai lana talosaga i le Faamasinoga Apili, e faa’au’au (bias) le faiga o le faamasinoga e Justice Tuala Warren ona o tulaga nei:

1. Sa tulai Justice Tuala Warren o se loia mo Laauli i luma o le faamasinoga Supreme Court, ae lei tofia o ia e fai ma faamasino, ona o le kamupani loia o Tuala Law (kamupani loia a Tuala Warren ma lona tuagane o Siaki Tuala, sa fai ma loia a Laauli i le taimi tonu lea na tulai ai Tuala Warren mo Laauli.  Sa teena e faamasino o le Court of Appeal le Apili a Peseta talu ai, o le tuagane o Tuala Warren o ia o le loia mo Laauli Schmidt, ae o Tuala Waren, na tulai e talosagaina le faamasinoga ina ia tolo le mataupu. Na ioeina foi e faamasino o le Faamasinoga Apili, e moni le tagi a Peseta, ae peitai, o le tausaga e 2008, na alu ese ai Tuala Warren ma le kamupani loia lea. Sa finau Leuluaialii ma faaali i faamasino se faamasinoga tāua na faia i Niu Sila, na faia ai le faaiuga e le Court of Appeal a Niu Sila, sa lē tatau i le faamasino na tauaveina le faamasinoga lea ona ia nofoia le mataupu, talu ai, o faamasino sa avea ma loia a le tama lea na faasaga iai le mataupu na suesueina i le 30 tausaga talu ai. Na ta’ua foi e papalagi o le Faamasinoga Apili a Samoa, e ese le mataupu lea na fai ai le faaiuga lea a le faamasino a Niu Sila, e lē tutusa ma le mataupu a Peseta. O le ala lea o le latou faaiuga e lē malo Peseta.

2. Sa maua foi e Peseta ni faamaoniga i totonu o le ofisa o le malo, sa iai se sootaga faapisinisi a le afafine o Laauli Schmidt ma Siaki Warren o le tuagane o le tamaitai faamasino o Tuala Warren, seia oo mai i le 2016. Peitai, na tuuina ane e le faamasinoga i le loia a Peseta le tautoga na faia e le tuagane o Tuala Warren fai mai, ua faamuta le la sootagata faapisinisi ma le afafine o Laauli Schmidt. O le ala lea o le faaiuga a le Court of Appeal, e lē faaaogāina le molimau na tuuina atu e Peseta.

3. Sa maua foi e Peseta ni faamaoniga mai totonu o le ofisa e Resitala ai kamupani a le malo, se pisinisi e fesootai ai Apulu Lance Polu (le isi tagata lea na faasaga iai le tagi a Peseta) ma le afafine o Laauli Schmidt. Sa tuulima ane e teine o le fale faamasino i Samoa le tautoga a Apulu, na faila e lana loia, i le Court of Appeal, na faailoa ai e Apulu, e moni sa iai le la sootaga faapisinisi ma le afafine o Laauli, ae ua lē toe faaauauina. O le ala foi lea ua faaleaogāina ai e faamasino o le Court of Appeal lea vaega o le tagi a Peseta, ona e faapea, e leai se piitaga o le tamaitai faamasino ia Tuala Warren ma le afafine o Laauli Schmidt, lea na faipisinisi ma Apulu Lance Polu.

O LE TAGI A PESETA, NA SUESUEINA E LE FAAMASINOGA MAUALUGA A SAMOA, LEA NA TAOFIGA E LE TAMAITAI FAAMASINO IA TUALA WARREN, NA AFUA AI LE TALOSAGA APILI A PESETA

Sa malilie  Peseta ma Laauli Schmidt e fai se la pisinisi e ta’ua o le Local Partners, e faatauina le pisinisi Samoa, na faatauina le sua o le Nonu i Saina, lea na Bankrupt, (Gaumativa).

O le pisinisi Samoa lea na tapunia (Bankrupt) sa aafai ai le Saina o loo falepuipui nei i Hong Kong, o Jack Chen ma le isi fafine Saina o May Wang, o loo falepuipui nei i Hong Kong mo le 8 tausaga.

O le mau a Peseta, sa fai le la feagaiga ma Laauli e faatau le pisinisi lea na Bankrupt, na manao Laauli e tuu iai ma Polu, ma se isi o le aiga e suafa ia Martin Schwalger i le kamupani fou lea o le Local Partners.

Na mafai ona faatau le pisinisi lea na Bankrupt e Peseta ma Laauli, ona o le fanua o Peseta na mokesi ai le nonoga tupe e ova i le $miliona tala, e faatau ai le pisinisi. E matuā leai, leai se tupe a Laauli poo Polu poo Schwalger na tuu i totonu o le faatauina o le pisinisi lea ua ta’ua o le Local Partners, Associates(LPA).

Na vevesi Peseta, Laauli ma Polu, talu ai o le fanua taugata o Peseta lea na faaaogā e faamau ai le nonogatupe e silia ma le miliona tala e faatau ai le kamupani, ae mulimuli ane ua tatala e Laauli ma Polu se isi tusi tupe e ese mai le tusi tupe a le kamupani o le Local Partners  Associates (LPA), ma teu iai tupe na maua i le faatauina atu o le Nonu Juice i atunuu i fafo. E leai se tupe a Peseta o maua mai le kamupani na o la faavaeina ma Laauli.

I le suesueina la o le tagi a Peseta e le Faamasinoga Maualuga a Samoa, na aumai ai le faaiuga e Justice Tuala Warren e faapea, O Peseta, e lē o se Shareholder poo se Director. Na ioeina e le Faamasino le mau a Apulu Polu ma Laauli e faapea, e lei faia se fono e tofia ai Peseta e avea ma Director poo se Shareholder o le kamupani.  Sa fai le tautoga a Peseta i le Tusi Paia, sa faia le latou fono, sa auai uma ai foi i latou o loo iai suafa i le kamupani, vagana ai Schwalger na tuai atu i le fono.

E ui ua mae’a ona fofogaina le faaiuga a le Faamasinoga Apili, peitai, e lē o faatafa ai Peseta ma lana loia i le sailia o le mea moni. Na saunoa Peseta, e ui ina taugata ma faigata, ae e iai lona talitonuga e manumalo lava le mea moni. O le faaiuga a le Court of Appeal, ua tatala ai le faitotoa tele ia Peseta ma lona aiga, e fai ai le isi laasaga e sue ai le mea amiotonu i tua o lenei mataupu.

Faamatalaga na tuuina mai

Comments

comments