Author: Rosa Tamala Fiu

Atoa le fitu tausaga Divine Mercy a INALA

E fita ma gaoā le ala na savalia mai i totonu ole fitu tausaga ele Olo ale Divine Mercy a Inala. Ua toesea nisi, ua fai i lagi le folauga ase tasi o Tamā. Ua faaopoopo mai foi nisi i totonu ae oloo atili ai ona malolosi ma totoa fatu o nisi na amataina mai le Olo ile 2010. Ose luitau lea i tagata faatoa ofi mai ona o uiga tausaafia ole toatele aemaise ole feau oloo latou momoliina pea e ala lea ia latou faatasiga ma fono tatalo fai pea i po o Aso Gafua ma le asia...

Read More

E le ose taufaafefe!

Pe ete talitonu pe ete fefe, pe ete palaai, pe ete lē ano iai, pe ete lē fiafia foi iai, “E iai lava le aso e mu ai le lalolagi”. Ole lua afe tausaga mai ia Atamu ia Noa, luaafe tausaga mai ia Noa ia Iesu ma le luaafe tausaga mai ia Iesu i lona toe afio faalua mai ua ova ma le luaafe tausaga. O vaega uma nei sa afea ile saunoaga ale susuga ia Pr Samuelu Afamasaga na ia manavaina se feau faapitoa mo le fanau faatalitali ale Atua. Ole tele ole aufailotu oloo alalaga pea ile...

Read More

Taaloga ale Pulega Samoan AOG i Kuiniselani

Ose aso na tulimatai iai le toatele ole Pulega e feiloai ai ekalesia e sefulu male tasi aua ose uluai taimi foi lea ua potopoto ai le fale sefulutasi ini taaloga talu ona tulai mai le susuga ile Taitai ia Ps Manuula ma le faletua ia Foloi Nai. Na amataina le aso i savali faaaloalo auā ailoga na momoe alaala tagata uma e tausisia le poloaiga ma le folafolaga ia ta ane le ono ile vaveao ua amataina savali faaaloalo na faataamilo ile malae ona alo loa lea e siitia le viiga ile Atua e talosia ai le alofaiva i faagatama...

Read More

Faamanatu le Sulufaga a Iesu le Agaalofa Mamana a Senakolo i ona lālā e ono

E ese foi lenei Aso Sa i finagalo ole Ekalesia Katoliko aua na usuia ai le Misasa ole Sulufaga a Iesu le Agaalofa Mamana lea na faia ile aai o Darra. E ono Senakolo na auai e aofia ai Darra, Inala, Woodridge, Jindalee, Caboolture ma Goodna. Ole afioga lava ia Patele Epati Tamati Aiolupotea sa taitaia lea Misasa. E le gata ole toatele o Senakolo ae sa faapea foi ona pulunaunau ma lolofi atu le toatele o tagata lotu ale Ekalesia Katoliko ona ole fia tufitaufao o faalumaga faaleagaga o lenei Aso Sa faitaulia e tasi ona faamanatu ile...

Read More

Matati‘a le posiva a Salesatele i Kuiniselani – $144,000

E tu matila atumauga o Falealili i totonu o Brisbane e ala ile aao mafola, loto foai ma le agaga fesoasoani a ana tamafanau, Auauna ale Atua, tupu ma tamalii, paolo ma gafa ma le loaloa ole mafutaga ile fia fai manuia ona ole Atua ma Lona finagalo. Ua moni ai le upu e fai ile itumalo, “Ua ta fia Falealili fua” auā na lealea i peau ole ea ma logo tulimanu e fā ole lalolagi i tala aave ua salalau atu, ile faamoemoa sa tapuaia pe tua ma ni ā. E maualuluga mauga ae faigofie lava ona ā‘ea, e loloto le sami ae iloga ala o i‘a, e māmā foi se avega pe a galulue faatasi ma feoeoea‘i. Ole viiga e foi pea ile Atua. Na lava tapena ma sauni le mafutaga a Salesatele i Brisbane e tali atu ile auvalaaulia na faamalo‘ulo‘u mai, auā se seleni e tusa ai ma le faatalauula mai Samoa, mo sina fesoasoani auā le malumalu ole ekalesia EFKS Salesatele i Samoa. Ole paia lava lea ile afio o Tapusatele ma ona alo, afio alo o Leilua, afio Paitomaleifi ole Aloalii, susū Leota ole alo o Taulapapa, alalatai le latou toafā ole Aiga Talimalama ma upu ile Nofoaala. Sa lei faigata ona saili ni toa e amataina le mafutaga auā ole tagata lava ma lona faasinomaga, e tautala foi ana galuega. Na talo ma valaau faaaloalo ni toa e faavaeina lenei...

Read More