Sa faatautaia e le ekalesia EFKS a Brisbane le faamoemoe ua igoa o le Kidzfest, lea na faataunuuina i le Aso Toonai na tea nei, ma sa valaaulia ai isi alo ma fanau.
O se aso faapitoa mo aiga aemaise lava alo ma fanau e fiafia ai.
Na iu manuia mea uma ma matuai faafiafiaina alo ma fanau. Na iai lava nisi o alo ma fanau na matuai lagona le faalilii ma le feita ina ua aveese jumping castles ma le big grass ball.
Ae ui i lea na toe vaaia le fiafia o tamaiti ina ua taunuu fireworks. Sa faia ai foi se workshop faasamoa i le aoaoina lea o le faiga o le umu e Puialii Fidow, Lelei Kalolo, Tia Tupuse & Molisa Siaolafau.
Sa filofilo ai foi le susuga i le faafeagaiga ia Rev Milo Faaleava e faamatala ma faaailoa i alo ma fanau nisi o vaega o lea aso.
O nisi tamaiti sa fai sao i le vaega mulimuli o le umu e pei ona fesoasoani i ai Aufataalii Faaleava & Fuata Mafile‘o.
Na momoli le agaga faafetai tele o le tamaitai o Agapestos Faaleava ia i latou uma sa fesoasoani ma lagolagosua, aemaise o mātua faapea le community mo le auai atu.
Toe faafetai faapitoa ia Emanuelu “DJ Steddie” Filipo mo lana foi pitolaau ma le fesoasoani. E lē gata i lea o le Afioga Tagaloa Eipi Filipo.
O lenei aso faapitoa sa lagolagoina e le local councillor Milton Dick Lord Mayor Suburdban Initiative Funds sa foai maia faleie.
