E taitasi i tausaga ma faamanatu aso faapitoa o Autalavou i nisi ekalesia. E faatāua ai galuega fai a tupulaga talavou ma o latou sao tāua aemaise o alo ma fanau. E leai se taimi sili ona fiafia ai le tiapolo i le taimi o le osoosoga o le malosi o le talavou.
O taimi e fiafia ai i fiafiaga o le lalolagi ae o le tele o faagaioiga a Ekalesia ma faatāua le autalavou, o auala ia e taofia mai ai i latou mai vaega faapena ae faapisi i taimi mo le Atua.
E faapena le Aso faapitoa o Autalavou a le Ekalesia Aso Fitu Samoa Tutoatasi na faamanatuina i le Aso Toonai (Sapati) aso 13 o Tesema. Logomālie feau taiala sa folafolaina e luitau ai tupulaga talavou ina ia savavali i ala o le Atua auā ua saosaoa faiga a le fili.
O timaiga ma lapataiga e tapu‘e ai o latou olaga ina ia faainoinoina i tuinanauga a le tiapolo ae tulimatai manuia faalelagi.
O le nofoātoo o lenei tausaga, o le taitai autalavou o le faletua ia Emo Matai‘a, sui taitai o faletua ia Mary Vaeluaga, failautusi o Kay Euese, Faifeau-Faafeagaiga Susuga ia Foa Fanolua Vaeluaga ma le faatamā o le toeaina ia Setiu Iakopo Togipau.
O le taeao o le Aso Sa sa feagai ai ma taaloga e faafiafia ai ma faamalosi ai tino ma le mafaufau ma faaiu ai i se taumafataga.
