Amata le taamilosaga Kilikiti ale PIMKA 2017

Susuga i Kapeteni o au taitasi o loo auai ile Taamilosaga ale PINKA
Susuga i Kapeteni o au taitasi o loo auai ile Taamilosaga ale PINKA

E 16 au alii ae fitu au a tamaitai oloo tausinio ile taamilosaga lenei ale PINKA i lenei tausaga. Ma oloo vaevaeina foi lenei taamilosaga i POOL e lua mo au a alii ae o taaloga a tamaitai oloo alu faatamilosaga ona aumai ai lea o au e fa pito i luga e fai agai iai le sailiga siamupini.

Ole POOL A, o lea ua taaalo ai le Maata mai Samata, ole Lauolive, Laulaau mai Farani i Sataoa, Malaka mai Uafato i Fagaloa, Riversdale mai Avondale, Povi Poa mai Leauvaa, Loto Taumafai mai Sasina, Liona mai Laulii,

POOL B, Dale State ale Ekalesia Mamona mai Avondale, Ao o Atua, Maa Pupula mai Falelima, Malaeoletalu mai Salesatele, Nisega mai le EFKAS i Kelston, Papatiso mai Papatoetoe, Amoa i Sisifo mai Lano i Savaii, ma le Kanana Fou.

Au a Tamaitai- Teine ole Lau Olive, Malaeoletalu mai Salesatele, Fire Burt mai Mauga Savaii, Riversdale mai Avondale, Teine ole Dale Satate mai le Ekalesia Mamona, Teine ole Vaipuese mai Samata, ma le au Tamaitai Katoliko mai Glen Innes.

Ole Aso Toonai ua mavae na amata aloaia ai lenei taamilosaga ile malae i Otara e pei ona faatino ai lenei faamoemoe i tausaga taitasi. ole afioga ia Patele Muliau Stowers na ia taitaiina le sauniga e tatala aloaia ai taaloga i lenei tausaga, ma sa ia faamamafa ai le upu Faamaoni mo au taitasi.

Au a tamaitai ale Vaipuese mai Samata
Au a tamaitai ale Vaipuese mai Samata

E tatau i kapeteni ma au taaalo uma ona faamaoni i tulafono oloo faatino ai taaloga. Ona saunoa lea ole afioga ile taitaifono ia Noa Sola Sau Tafeaga e faafeiloai kapeteni ma au taitasi lea ua auai ile taamilosaga, ma amata aloaia ai loa taaloga.

O au a alii, o lea ua vaevaeina i POOL e lua, ona aumai ai lea o au e fa pito i luga o Pool taitasi e saili ai le siamupini.

Ole PINKA ua loa tausaga o faagasolo lea taamilosaga, ae oloo vaaia ma maitauina pea le taupati atu o au a nuu ma ekalesia e fia auai i lea foi faamoemoe. Oloo tatala le avanoa i faalapotopotoga ma ekalesia ma nuu, o ai lava e fia auai se au i totonu o lea taamilosaga e tatala pea le avanoa.

Ae ole sini autu ma le faamoemoe maualuga ina ia mafai ona mafuta faatasi ai tupulaga ma aiga ina ia maua pea le nofo fealofani, ae le gata i lea ia mafai pea ona lalaga ma faalutele ai le taleni kirikiti a fanau talavou faapea ma matua.

Aua o se tasi lea taaloga sa fiafia ai tele o tatou aiga ma nuu i Samoa ao lei malaga mai i Niu Sila.

Ole faalapotopotoga ole APKA poo le Auckland, Pacific Kirikiti Association oloo latou faamaopopoina lea taamilosaga i tausaga taitasi lea oloo taitaifono ai le susuga ia Noa Sola Sau Tafeaga, Sui taitaifono ai Leota Satiu, Failautusi o Nancy Palelei ma le teutupe Vui Peter Stowers, ole komiti o tulafono oloo aofia ai Togia, Toleafoa Tuimauga ma Asiava Tuipea.

Oloo mafai ona faatino lenei faamoemoe ona ole lagolago malosi ale kamupani ole New Zealand Institute of Sports ma le Foundation North.

Oloo faagasolo muamua le taamilosaga ole PIMKA ona sosoo ai lea ma le taamilosaga ale Teuila e pei ona masani ai i tausaga taitasi.

IUGA O TAALOGA

ROUND 1 – TAMAITAI

Vaipuese mai Samata manumalo ia Glen Innes

Fire Burt manumalo ia Riversdale mai Avondale

Teine ole Lau Olive manumalo i Teine ole Malaeoletalu

Teine ole Dale State manumalo ile Vaipuese mai Samata

Fire Burt manumalo i Teine o Glen Innes

Lau Olive manumalo i teine ole Riversdale

ROUND 1 – ALII

POOL A

Maata manumalo ile Liona mai Laulii

Loto Taumafai manumalo ile Lau Olive

Povi Poa manumalo ile Lau Laau mai Farani

Malaka manumalo ile Riversdale

POOL B

Kanana Fou manumalo ia Dale State

Amoa i Sisifo manumalo ile Ao Atua

Maa Pupula manumalo ile Papatiso mai Papatoetoe

Nisega EFKAS manumalo ile Malaeoletalu

ROUND 2 ALII

POOL A

Lau Laau Farani manumalo ile Liona

Povi Poa manumalo ile Lau Olive

Loto Taumafai manumalo ile Riversdale

Malaka manumalo ile Maata

POOL B

Kanana Fou manumalo ile Maa Pupula

Ao Atua manumalo ile Papatiso i Papatoetoe

Amoa i Sisifo manumalo ile Nisega EFKAS

ROUND 3

POOL A

Liona manumalo ile Lau Olive

POOL B

Kanana Fou manumalo ile Ao Atua