Amanaia galuega fesoasoani laveai a Lina Chang

Tusia: admin 18/05/13

Faailoa atu lenei tala:
facebook
  • I latou sa auai e molimau le sauniga o le tauaao atu o lea faailoga taualoa

    I latou sa auai e molimau le sauniga o le tauaao atu o lea faailoga taualoa

  • web_SERVICE-I-latou-sa-auai-e-molimau-le-sauniga-o-le-tauaao-atu-o-lea-faailoga-taualoa

    web_SERVICE-I-latou-sa-auai-e-molimau-le-sauniga-o-le-tauaao-atu-o-lea-faailoga-taualoa

  • Faifeau o le Ministry lea ua faaeaea Lina Chang i le faailoga taualoa o le tagata Kerisiano ua suia olaga o tagata lautele

    Faifeau o le Ministry lea ua faaeaea Lina Chang i le faailoga taualoa o le tagata Kerisiano ua suia olaga o tagata lautele

  • SERVICE I latou sa auai e molimau le sauniga o le tauaao atu o lea faailoga taualoa

    SERVICE I latou sa auai e molimau le sauniga o le tauaao atu o lea faailoga taualoa

O le tulai mai o le tamaitai Peresetene o Lina Chang, i le faatinoga o galuega fesoasoani a le Faalapotopotoga o le Toomaga mo ē Puapuagatia i totonu o Samoa, Amerika Samoa, Niu Sila ma Ausetalia, ua amanaia nei i se faailoga taualoa ua tauaao atu i ai e se faalapotopotoga lotu i totonu o Asia ma le Pasefika.
O le faalapotopotoga lenei e ta‘ua o A‘oa‘oga a Keriso ma Aiga uma – Every Home for Christ Ministry. E aofia ai atunuu eseese uma lava o lenei itulagi ma sa usuia i Apia sana fonotaga i le faaiuga o le vaiaso na tea nei.
O le autū o lenei faailoga taualoa, ina ia amanaia ai galuega faale-Atua o vaaia i soo se itu o le Lalolagi ma o galuega o loo faatautaia e laveai, fesoasoani ma alofa atu ai i tagata lautele o le atunuu.
Sa faaalia le agaga maualalo o le tamaitai o Lina Chang i lenei faaaloalo tele ma ua avea ai o ia o le tagatānuu muamua o Samoa ua maua lenei faailoga taualoa.
I le sauniga e aloaia ai lenei faailoga tāua, na faaalia ai e le Pastor Manasa Kolivuso, o le Faatonu o lea Talitonuga lotu i Asia ma le Pasefika, ua tolu tausaga o lenei faailoga ma e saili lava e le “Every Home for Christ Ministry” tagata o lea atunuu ma lea atunuu ua molimauina a latou galuega lelei ua fai ona tauaao lea i ai o lenei faailoga taualoa, ma o se faafetai lea mo lo latou sao i le suiga o
soifua o tagata.
Faaalia e le tamaitai ia Lina e lē vaai i lona tofiga o se tofiga o se taitai ae o se tofiga ua faia ona o ia o se tina e lē gata i lana fanau e toalima ae o se tina i fanau uma o Samoa ua sulu atu mo se fesoasoani i le faalapotopotoga o le Toomaga mo ē Puapuagatia.
O le tamaitai o Lina Chang o ia o se tasi o tamaitai o le lio o tamaitai na galulue faaleoleo ma galulue faaloia i Samoa na faavaeina lenei faalapotopotoga ona o lo latou manatu e tatau lava ona iai se isi auala e tineia ai le tulai mai pea o sauaga ua faia faasaga i tamaitai ma fanau.
E lē gata i lea o le tele o isi mataupu ua aliali ai le toatele o i latou ua soifua i se olaga lē tagolima ma le mativa.
Ua matuā tele vaega o Samoa ma isi itu o atunuu e pei o Amerika Samoa, Niu Sila ma Ausetalia ua faatutū ai lala o lenei faalapotopotoga mo le manaoga lava lea e tasi ma o le faamoemoe o le faalapotopotoga lenei ina ia mafai ona iai se auaunaga e sulufai i ai tagata pe afai ua leai se isi tali e maua i o latou mafatiaga.
O lea lava la e galue ai le tamatai o Lina Chang, ma o ana atinae faapisinisi sa tele ina alu i ai lona taimi, ua faaauau nei e lona aiga ma lana fanau, ae ua tuu atoa lona taimi e avea ai ma taitai o lenei faalapotopotoga tele i Samoa ma atunuu mamao.

bitcoin
© Copyright 2014 Samoa Times | Samoa Times is a division of Samoa Multimedia Group Ltd