Alofagia le faamoemoe o teine tuai Pope Paulo VI i Kuiniselani

O le manulauti a tamaitai tuai o Pope Paulo VI i tamaitai sa aoaoina i le kolisi i Samoa, o le fesoasoai lea i alo ma fanau o loo aoaoina i le Kolisi i le taimi nei, ae o se faamāmā avega lea i mātua ona ua taugata le soifuaga ua iai nei.

O loo faaauau pea a latou galuega alofa o le tausi lea o a latou sikolasipi, poo le totogiina lea o pili aoga o nisi o le fanau se toatolu o tamaitai o loo maualuluga maka poo togi o le tausaga i le aoga a Pope Paulo le VI i Samoa.

O i latou ia latou te filifilia e ave i ai le faamuamua latou te totogiina pili aoga ma meaaoga o le tausaga, o lona uiga e aooga fua nei fanau i le tausaga.

O le ala lea o lo latou faamoemoe sa faatino i le po o le Aso Faraile, 13 o Iuni, lea na matuai lē ofi ai le maota o faafiafia, le community hall i Logan City. Sa faatumulia i le paia o le atunuu, uo ma ē masani ma i latou e fiafia e eva aemaise le lagolago a nisi faafeagaiga ma faletua. O le faili a le Island Eagle sa faafiafiaina lea po, na faailoa ai le fai uso, tuafafine o tama ma teine tuai o aoga a le Katoliko, le Sagato Iosefo, Sanele, ma Sagata Maria i Vaimoso e uulima faatasi auā se manuia o fanau i Samoa.

O le Peresetene o Tala Nimo Forbes, failautusi ia Jayne Piliae, teutupe Faletua ia Tili Tauilo, faatasi ma nisi o tamaitai sa aoaoina ai i le kolisi.
O le tasi lenei Ekalesia e ese le maopoopo o asosi a aoga maualuluga i Kuiniselani nei
Tamaitai Sa ma teine tuai o Pope Paulo le VI i Kuiniselani