O le faamoemoega a le SMSM (Missionary Sisters Society of Mary) ua na o se komiti latou te faafoeina ma tapena le faamoemoe mo le faamanatuina o le 150 tausaga talu ona taunuu i le Atu Pasefika, e faamoemoe e faia i Samoa i le masina o Iuni.
O le SMSM e pei ona faailoa mai e le faletua ia Bessie Ngau Chun, e lē o se mafutaga pe o se faalapotopotoga tuma‘oti, ua na o ni vae ma lima o tamaitai Taupousa mo le faamoemoe o le faamanatuina lea o le 150 tausaga e pei ona faavae mai i le tausaga 1864 – 2014 – le Auaunaga a Tamaitai Sa Tala‘i o le Ituaiga o Maria.
O le komiti ua na o Brisbane lava, ma o loo taloina e lea komiti alii ma tamaitai uma sa a‘otauina i aoga Tamaitaisa i Samoa, Amerika Samoa ma Tokelau mo le resitaraina i lea faamoemoe ia Iuni o le tausaga nei.
O alalafaga sa iai aoga nei e aofia: UPOLU – Lotofaga, Falefa, Savalalo, Vaimoso, Moamoa, Leauvaa, Leulumoega. SAVAII – Falealupo, Fusi, Safotu. TUTUILA – Lepua. TOKELAU – Nukunonu ma Honolulu.
O le uluai Resitara a lea Komiti sa faataunuuina i le Aso Toonai, 1 Fepuari i le Faleaiga i Brisbane – Le Sia’s Takeaway, le susuga ia Joe ma le faletua ia Sia Imeleta Leofa.
O le faamoemoe o le Komiti Faafoe e ta‘i 2 vaiaso e faasolo ai le tusigaigoa faasavali i faleaiga poo faleola o Samoa i Brisbane.
Ua faamoemoe o le a see atu le galuega i Inala i le WKK i le tofa ia Pauli Atipopo ma Line Wong Kee ona faasolo lea i matu, sisifo toe talu mai ai i sasa‘e.
O le Komiti Faafoe i Kuiniselani: Peresitene – Joyita Slade; Failautusi – Daphne Thomsen; Teutupe – Bessie Ngau Chun; Komiti – Seneuefa Su Soo Choon, Falanika Green, Sara Brunt, Ranandy Stanley faapea le faafeagaiga ia Sitika Lemana Satui; Faatina – Epifania Swan Alefosio; Tapousa – Sister Jacinta Fidow.
