Agalelei Samaria Cairns i le aumalaga auvaa Nafanua a leoleo mai Samoa

Sa taumate faamea taitai i ato pe faamata e iai ni Samaria i lea foi aai o Ausetalia, a o afea ai e le aumalaga a leoleo le auvaa a le Nafanua lea foi itulagi.
Peitai e susue lava le faamalama o le Isaraelu moni ma tago atu e opo se uso ua sootino ma soototo ia Keriso.
A o faaopea ai le auvaa a le Nafanua mai Samoa lea e faafoe mai e alii malu o le malo o si o tatou atunuu, na faaailoa le alofa foai o nisi o le mamalu o le atunuu aemaise lana auauna o loo galulue i le Matagaluega Metotisi a Kenese (Cairns) le susuga i le Tausi Matagaluega ia Rev. Paulia Vaavale ma le faletua ia Tesema Vaavale.
Na maua se avanoa o le Taitaimalaga ia Tagaolo Iosefatu Wright, e lauga ai ma taitaia le sauniga i le Aso Sa aso 21 o Aperila, o le Aso Sa lona tolu  o le aumalaga i le matagaluega a Kenese (Cairns) i le itu i Matu o Ausetalia.
O sauniga i lea Aso Sa sa tailua pese a le itu ma faaevagelia sa saunia e le Ekalesia faapea foi le aumalaga a alii malu o le malo mai Samoa.
Na mae‘a le sauniga ona alo lea i le taumafataga na saunia lava e le matagaluega, sosoo ai  ma fuafuaga e masani ai le Ekalesia, e ala i faaaloaloga auā le susuga i le tofi sa tu tootoo i le malae o le Atua (malumalu).
O loo tele le alofa foai mai le matagaluega Metotisi ma tauaiga i le faigamalaga na pale ma faamalieina ai le aumalga.
Ua  fuafua e toe taliu i Samoa le faigamalaga i le Aso Faraile aso 3 o Me.
O suafa o Malu o le malo o loo faatautaia le Vaa o le Nafanua:
Commanding Officer: Inspector Tanuvasa Petone Mauga; Exective Officer: Sgt Sefo F. Hunt; Navigation Officer: Sgt Iakopo Solofa; Asst Navigation Officer: Constable Sa Hitilepi; Asst Navigation Officer: Constable Faaofu Saumani; Ships Technical Officer: S/Sergeant Lafi Matautia; 2nd Engineer: Corporal Aisiga Nauma; 3rd Engineer: Constable Tipiloma Stowers; Engineer: Constable Tasea Auelua;
Senior Electrician/RO: Constable Ofisa Esera; Coxswain: Constable Avele Tuilaepa; Buffer: Constable Manuopuava Faaiuaso; Seaman: Constable Tavita Sanele; Seaman:
Constable Poasa Malofou; Chef: Constable Alesana Ieremia; Chief Electrician: Superintendant Tagaolo Iosefatu Wright; Technical Adviser: Chief Petty Officer
Allan Philips.