Na faatumulia ai le hall tele a le Serviceton Primary School i Lorikeet Inala, e lē gata o aiga ma uo sa molimauina le faamanatuina o le 70 tausaga o le faletua ia Atana’i Viola Purcell, ae faapea foi le ekalesia, e pei ona faamanatuina i le Aso Toonai, 22 o Mati.
Sa taitaia le sauniga lotu e le susuga ia Tekele Malaki o le ekalesia C.O.G. O le faletua ia Viola o le faletua o le susuga i le faafeagaiga ia Ps Fereti Purcell. O le susuga ia Faleatua Frazer sa fai ma fofoga o le aso. Na faatumulia ia i latou sa fai sao, ma o se aso matagofie i le auai atu o nai uo ma aiga aemaise le ekalesia.
Na momoli le agaga faafetai o le susuga ia Ps Fereti male nofoaalo ia i latou uma lava maua avanoa e faatasi mai ai, ma o i latou uma uma nei e momoli atu ai alofaaga ma faamanuiaga mo le faletua ia Viola Purcell.
Nisi o aiga mai Sini, Filiga ma Susana & aiga, Pua ma Lui mai Melepone ma le aufaafiafia matagofie Jadda Crew, Malaki family, Tiseni family, Ropati ma Faatuli family, Francis Tuaau, Loretta ma Jessie, ae faasilisili foi faamanuiaga mai le ekalesia C.O.G ma le autalavou, faapea le aufaafiafia a Chris Purcell & aiga.
Alofaaga e lē mavae mai le susuga i le faafeagaiga poo lau tautoga ia Ps Fereti Purcell ma le nofoaalo, alolofa atu foi Faleatua Frazer ma Jessie ma le fanau.
