Le Atua e, aua lava nei ia te i matou lou viiga ae ia toe faafoi atu i lau afio e ona le viiga ma le faaneetaga. O le vivii ma le loto faafetai ma le fiafia e patipati ai galuega lelei ua mae‘a sa fitoitonu ma susuga i faafeagaiga ma faiaoga i le aotauina o nisi o i latou o loo fia faalautele le iloa ma le malamalama i le afioga a le Atua.
O lē lūlū ma le onosai e toe selesele mai lava ma le loto fiafia. O le faatumulia ai o le hall a le Assembly of God i Magele i le afiafi o le Aso Sa, na maitauina ai le lagolago o aiga uo ma ē masani aemaise o susuga i faafeagaiga o loo iai o latou sui i lenei kolisi le agai atu e molimau galuega lelei sa faatinoina e nei tamalii ma tina o loo aotauina i le upu a le Atua.
Sa faapea foi ona faatasi atu i ai ma le afioga i le faipule o le itumalo o Magele ia Su‘a William Sio ma nisi o faafeagaiga mai isi ekalesia.
E alaga le faisalamo o Tavita, ‘o le aso lenei na e faia matou te olioli ma fiafia ai e molimauina ai lou faamaoni i lau fanau’. Na tatala aloaia le faamoemoe i le auina atu o fu‘a a atunuu i luma ona sosoo lea ma le solo a susuga i faaoga ma malo faaaloalogia, faatasi ai ma le solo a i latou ua faamanuiaina lo latou taumafai i lenei tausaga.
O le taitai o le sauniga o le susuga i le puleaoga ia Sauafea Faatuatua Pulepule o ia foi na faatulima e faafeiloai le mamalu o le auvalaaulia ma le aufaigaluega totofi a le Atua sa auai. Sa iai nisi o saunoaga a susuga i faafeagaiga e momoli ai le faamalo ia i latou sa finau malosi i nei tausaga aemaise ai o le naunau i le upu a le Atua, ma faagasolo ai loa le tolaulauina o faailoga o ē ua lautogia.
O sui aoga o loo faauuina i lenei tausaga o i latou o loo aotauina i le tausaga 2 ma le tausaga 3 i le faailoga o le Bachelor in Biblical Diploma ma le Bachelor in Biblical Studies. O nisi o susuga i faafeagaiga faapea foi ma nisi o tamā ma tina mai isi ekalesia.
Bachelor in Biblical Diploma:
B.J Ah Chong
Pasopoia Dliffyt
Ps Falanisisi Falaniko
Petimara Faumuina
Tuifoa Leaupepetele
Kereti Lotolelei
Isabella Matafua Talia‘ai
Patolo Ueli
Vaefaga Jr Vaefaga
Swedson Timothy Vailolo
Bachelor in Biblical Studies:
Muaausa Rolani Ainuu
Josie Osofua Apineru
Tagaloa Leiofi Eki
Lemalu Tolumaanave Taavi
Vitolio Paulo Ikenasio
Iosefa Kolone
Bronny Mei Lufiso
Angel Lalotoa Peniata
Lauaki Tuupo Poutasi
Sapapalii Maria Toleafoa Si
Alaomanu Atatesa Taape
Mafutaga Talia‘ai
Ps Nonumalo Fereti Willie Toleafoa
Unasa Ieremia Veve
Tumanuvao Faila Valeliano White
O le afiafi o le Aso Faraile na amata mai ai lenei faamoemoe i se taumafataga tele na faataunuuina i le hall a Samani Pulepule e patipatia faatasi uma ai e aiga ma ekalesia le taumafai o nei sui aoga, sa faafiafia ai foi nisi o autalavou mai mangere East Youth a le susuga le faafeagaiga ia Toleafoa Si’u, Auckland AOGCOS ia Pastor Fereti Toleafoa ma le auatalavou mai Glen Eden After Shock Youth a le susuga faafeagaia ia Faamanu L Peniata.
Faatasi ai ma pesega mai ia Amara Duru ma Tola Adelowo, faaiu ai i le latou faauuga i le Aso Sa ma faamae‘a ai galuega o lenei piliota aoga.
