Mae‘a suiga tofi a le lala o FAGASA i Ueligitone
22/02/12 || Tusia: Leautuli Malaeta Sauvao ||
E pei ona sa faasilasila atu talu ai le fono amata mo tapenaga mo le fonotele i Dunedin a lenei faalapotopotoga, aemaise ai foi o le tausaga o suiga tofi o le Komiti Faafoe Aoao ma lala, o lea na faaiuina ai ma le manuia i le po o le Aso Tofi 16/2/12 filifiliga a le lala a Ueligitone ma ua tofia ai i latou nei:
Peresetene: Fuiavailiili Nalesoni;
Sui Peresetene: Tole‘afoa Pisi Masina; Failautusi: Elisapeta Fruean;
Sui Failautusi: Tailoloto Tusa;
Teutupe: Tulimalefasi Moe Tanielu-Dick; Sui Teutupe: Vanila Kesia Tanuvasa.
O sui o le Komiti Faafoe aoao faato‘ā faatino le palotaina o sui i le fonotele i Dunedin, ma ua mae‘a foi ona faatutūina sui mo lea faamoemoe. E avatu foi le faamalo i sui fou uma ua tulai mai i lenei foi nofoaiga ona o le tausaga pisi tele lenei i le faailogaina o le 50 tausaga ma le Vaiaso o le Gagana Samoa ma lona tapenaga.
Ia alo ia i o outou faiva ma ia sagai ane ‘ai o le tai e tautua la tatou gagana Samoa. O o outou māmā na!
