Fautuaga mai le Ofisa o le Saogalemu i le Vai/Sami
5/02/12 || Tusia: Leautuli Malaeta Sauvao ||
Talu ai le tele o faalavelave tutupu mai i le ‘aumalelemo i tafaoga o fe‘ausiga ma le ‘aufaifaiva ua faasalalauina ai ni fautuaga/tulafono e ao ona mata‘itu i ai le toatele:
• Ia ave se telefoni feaveai ina ia faigofie ai fesootaiga pe a tupu se faalavelave. Fafao i se pepa e lē oo i ai le susū.
• Ia ave se leitio le ituaiga o le VHC.
• Ia iloa tonu le ogasami o e iai e faigofie ai ona maua le laveai.
• le matua (age level) faatagaina mo i latou e malaga i vaa ia amata atu i le 15 tausaga agai i luga.
• Afai e te tosoina se tagata faasee, ia iai se tagata matau (observer) e na te matauina le tagata o loo toso ma le tagata o loo ‘ave vaa.
• Ia iloa e tagata o lou aiga le ogasami e te alu i ai ma le taimi e te foi mai ai.
• Ia siaki lelei le tala i le tau a o lei malaga atu i le sami.
• Mātau lelei ogasami faatagaina mo taelega ia aua ne‘i sopo ese mai ai.
Ioe o ni fautuaga lelei ma le matagofie e ao ona tatou mataalia ai i soo se taimi e fuafua ai ni taelega pe folau foi i ni vaa tafafao poo le fagogota foi.
