Maeu le lagolagoina e le vaiaai o Porirua ma fafo atu, o toe sauniga o Albert Alapati
3/02/12 || Tusia: Leautuli Malaeta Sauvao ||
O se vaaiga e uigaese le matauina o le auai atu o le toatele o tagata e molimauina le lotu faaleaiga o Albert Alapati i le afiafi o le Aso Lulu na tea nei i le Maota o le EFKS i Cannons Creek i Porirua.
E lasi ma anoanoai molimau matagofie o le ola tauivi o lenei alo o Samoa i tulaga tau aoaoga aemaise o lana tautua i le lotu e ala i le Autalavou ma le teuina o le hall mo sailiga tupe a le ekalesia.
Sa auai le pule o le Kolisi i Porirua ma faiaoga faapea le toatele o tama ma teine na latou faatasi atu e opogi le lotu mo si o latou uso tuagane ma le uo pele i le taumafai. Na auai foi sui mai le Iunivesite o Otago.
Manaia foi le saunia lelei o aufaipese ia latou viiga mo lea sauniga sa lelei lona faapolokalameina e le susuga i le Faafegaiga ia Rev. A‘ufaga Faafia sa taitaia le lotu. O le susuga ia Rev. Nove Vailaau na saunia le upu faamafanafana mo mātua ma aiga na lua aemaise le aofia.
Ia manuia lau malaga Albert. Ia faamaise atu i mātua ma le aiga faanoanoa.
