Tali a le malo i le lipoti a le ECE Task Force

O le faitau atu a le Sooatulau i le pepa o le Dominion o le Aso Toonai na tea nei, o loo faalauiloa mai ai e le Minisita o Aoga o Anne Tolley le tali a le malo i le lipoti a le ECE Task Force.

Na ta‘ua e le tamaitai Minisita le toe iloiloina e le malo (National government) le tomatau(curriculum) a aoga laiti ua 15 tausaga talu ona faatino e aoga.

Na faailoa foi e le Minisita le toe faaauauina o le 20 itula e aooga fua ai tamaiti laiti mai le 3-4 tausaga. Peitai na feteenai lea ma le finagalo o le tamaitai o loo vaaia tulaga tau a‘oa‘oga a le itu a le Leipa; o Sue Maroney. Fai mai Sue; “ o le tali a le malo i le lipoti a le ECE Task Force e lē o mae‘a lelei ona fai, ma o le lumanai o le 20 itula lea e ta‘ua e le malo o loo iai nei e lē o mautinoa lava”.

O le mataupu lenei na faaalia e le sui faipule a Mana, MP Kris Faafoi i le fono a le SAASIA i Ueligitone.

Fai mai Kris o le isi lenei mata’upu oloo lagolagoina malosi e le Leipa ina ia toe faaauau le 20 itula aoga fua ia o le fanau i aoga laiti, ona o le tele o mātua ua leai ni galuega, ma o le tele foi o aiga e na o le tasi le tagata faigaluega, ua lē talafeagai lea ma le tau o le soifuaga ua iai nei. Talosia ia nei finauga ia taulu taulu oo mai se iuga lelei mo o tatou tagata i le lumanai