Faasolo pea taaloga o le Aulakapi a le Ipu o le Pasefika

O loo gasolo pea le taamilosaga a le Ipu a le Pasefika i le laumua e pei ona sa amataina mai ai i le Aso Toonai talu ai i le paka i Porirua.

E iai ‘au na lē mafai ona taaalo ona na lē taunuu mai i le malae ma faia ai le faaiuga a le komiti o le a malo fua ai isi ‘au ia na taunuu atu e tusa o le faagasologa o le taamilosaga.

O le komiti o loo feagai nei ma le faasologa o le polokalame o le Ipu o le Pasefika o:
Namulauulu P.Brown – Peresitene,
Paala Lefao – Taitaifono,
Toleafoa Sofara – Failautusi
Poto Masina – Teutupe,
Tunumafono Ken Ah Kuoi – Loia a le Iuni, Toderick ma Taylor – Suetusi a le Iuni.
O le a maua atu i le vaiaso fou le lisi o iuga o taaloga i vaiaso taitasi.

Faamalo lava le faamaopoopo ma le faatasia pea o tupulaga auā faaagatama mo le solo i luma o taaloga. E tasi foi lea galuega e telē le tupe e totogi ai pe afai lava e faagasolo atu i le Olopeleki ma le Manu Samoa, aemaise o konekarate mai isi atunuu. Manuia lava le taamilosaga.