Faamanatu fiafia le aganuu e Waitangirua

Manaia le faamanatuga e le vaega o Waitangirua o le latou faafiafia faaleaganuu na faia ia Iulai. O le Aso Tooanai na tea nei na faatasia ai le vaega lea ma toe faamanatu le aso tele e ala i le taumafataga ma le toe faamanatu ai foi i le maimoaina o le ata (video) na pueina ma toe to manatu ai i le aso na feagai ai ma fiafia eseese mai isi vaega o le ekalesia,
O le lotu na amataina ai lea faamoemoe, sosoo ai ma le tufaina o nai meaalofa mo le aufaiaoga ma le ‘au taitai o le vaega a Waitangirua, ona faagasolo lea i le maimoaina o le ata o faafiafiaga.

Na sosoo ma le taumafataga tele faapea ma le toe faagasolo o taaloga mo le fanau, ae alo le vaega matutua i le pele suipi ma le tomino.
Na saunoaina loa e le susuga i le failautusi o le itu Tokelau; Etena Samuelu le tatalo faaiu ma faapea ona faagasolo atu ai i aiga mo le maimoaina foi o taaloga o le Ipu o le Lalolagi.