Galulue faatasi le Fono Faufautua ma le lala a FAGASA i le laumua

O le afiafi o le Aso Tofi, 9 o Iuni na faatinoina ai e sui o le Fono Faufautua a Samoa i le laumua se fetufaaiga mo le Aliitaeao.
O le agaga tonu o lenei fetufaaiga ina ia silafia e faiaoga o loo a‘oa‘oina le gagana Samoa ma le aganuu i totonu o aoga, le faavasegaina o lea foi aganuu tāua a lo tatou atunuu.

Na toatele le mafutaga a le FAGASA i le laumua aemaise o faiaoga ma sui o le Fono Faufautua na latou faasoa ma taliina fesili na fesiligia i lea po e uiga i le faatinoga o le Aliitaeao.

O loo ua sauni atu nei le lala o le FAGASA i Ueligitone faatasi ai ma sui o le Fono Faufautua mo le tapenaga o tauvaga tautalaga a le fanau mai i kolisi ma tulagalua i le aso 13 o le masina fou.

O le latou ulutala mo lenei tausaga e tauva i ai o le “Taliga malo”.

E faasilasila atu ai foi i mātua o le itumalo i le laumua; e mafai ona auina mai tamaiti i lenei tauvaga pe afai e mafai ona ia tauva i lea mataupu, e tusa lava pe lē o a‘oa‘oina le gagana Samoa i le aoga o loo iai.

Faafesootai le telefoni 04 237 3103 Ext 3871. Manatua o le Aso Lulu 13 o Iulai i le Akapuanga Hall i Cannons Creek, Porirua