Toaono le aukuka faailogaina i le laumua
10/06/11 || Tusia: Leautuli Malaeta Sauvao ||
O le vaiaso na tea nei na faamanuiaina ai le toaono o tama ma teine mai le aoga a Whitireia New Zealand i tauvaga a‘oa‘o o tagata kuka i totonu o Niu Sila.
E toatasi na maua le faailoga muamua i le kukaina o meaai mai taumafa na tuu iai e fai ai lana ia filifiliga i le kuka e fai ai. E toalua na maua faailoga muamua i le faiga o le meaai suamalie (dessert).
O le isi toatolu na maua faailoga muamua i le faiga o le salati fefiloi. Ua alo atu nei sia vaega i le sailiga o ni galuega tau kuka, ma e iai le talitonuga e leai se faigata ona saili auā e maualuga tulaga o latou taumafai i lea vaega.
