Asiosio i Amerika

E toatele ua faateia le maimoa ina ua faaalia mai e le TV se asiosio poo se afā malosi ua afatia ai Amerika ma ua faaleagaina ai le tele o fale ma ua tele ai tagata leai ni nofoaga.

O le tuufesili lava o loo fai nei pe aisea ua tasoo mai ai nei mala faanatura i lenei tausaga? Ua lē utuva le atunuu ma le ta‘u mai o galulolo, mafuie, asiosio, lologa ma afā malolosi, aemaise lava le Atu Asia ma Amerika. Fai mai se tasi toeaina “Tafefe ai ua lata mai le iuga o le lalolagi.

Ia poo atunuu lava nei e tele le fia malolosi ma le fia tauva i galuega a le Silisiliese lea ua sili ona mafatia i mala faanatura ia.” Ia tailo pe la o ai na iai fai mai ai Lavea.