Tulitulimatagau le asamoina o le poto, e taunuu i le Faaeaina
4/06/11 || Tusia: Tala Milo ||
O le tama poto e fiafia ai le toeaina, o se faasiliga malosi i si ona grandfather Pa‘u Puni, ina ua iu manuia le taumafai o le atalii, Ronald Puni (Bachelor of Science – Otago University)
Ronald Puni (Otago University – Bachelor of Science) ma si ona tina peleina, Nofo Puni (Samatau)
“Faamanu atu ia i le Alii, ‘aua foi nei galo se mea e tasi o Ana meaalofa”.
E faafoi le viiga o le Atua ina ua ia faia mea sili ua faaiuina i le manuia le taumafaiga o le atalii ia Ronald Puni, ua faauuina mai lona faailoga o le Bachelor of Science (Anatomy & Structural Biology) i le Iunivesite Otago.
Faamalo le tausinio atalii, e saili faalumaga i le taunuuga o le manuia, auā o le loto tausinio, tauivi ma finafinau e unaia le gaioi, galue ma le lē fiu gofie e asamo le poto.
O se aupega malosi le poto a‘oa‘oina na te faafeao ma suia ou ala, peitai ia uulima faatasi ma le faautauta lelei.
Ia alofagia e le Atua lou taumafai e tulimatai nisi o miti ma laasaga tau a‘oa‘oga, ma ia teu fatu lou aiga, mātua, ekalesia; agalelei i lou atunuu aemaise le mata‘u i le Atua na faia oe. Congratulations Ronald Puni, your degree is your ticket to change the world.
Alofaaga sautualasi mai lou grandfather Pa‘u Puni (Ch/Ch), sister Maria Puni (Aust), aunties, uncles & cousins mai Samatau, NZ, Aust & Kalaiesetete ae silisili ai lou tina peleina Nofo Puni.
