Siitia Afioga Nanai Anae Dr Iati Iati i le Iunivesite Otago
12/12/10 || Tusia: Tala Milo ||
Afioga Nanai Anae Dr Iati Iati
Lecturer UC), faletua Fara Iati (pink top), Bella Kalolo (singer song writer) ma tupulaga talavou Ekalesia Aso Fitu Addington
Alo i ou faiva, ua to manuia mai le Alii, o le upu masani – E faigofie ona feiloai ae faigata ona taumavae. O le afioga Nanai Anae Dr Iati Iati ( Falelatai), o le alii faiaoga i le Iunivesite i Canterbury, ua tele foi sona sao mo alo ma fanau Pasefika o loo aotauina ai, o ia foi o le failauga o le Talalelei mai le Ekalesia Aso Fitu o le Toe Afio Mai i Addington i Kalaiesetete.
Ua siitia atu nei o ia i le Iunivesite Otago mo tofiga fou faapea lona faletua Fara Iati (Lufilufi) ma le aiga. Matou te faafetaia le Atua i taleni ua foai mo le auauna ua mafai ai ona faasoa mai, aemaise o galuega lelei uma sa faatinoina i totonu o le Ekalesia ma la oulua fesoasoani i fanau tupulaga. Ia manuia tele le faaauauina o galuega i totonu o le Iunivesite Otago aemaise le Ekalesia e pele i oulua fatu.
Alofaaga mai: Autalavou Ekalesia Aso Fitu Addington faapea le Ekalesia pele, McMacmillan Brown Centre for Pacific Studies, aiga uma ma uo i Kalaiesetete, Hawaii, Niu Sila, Samoa ma Ausetalia.
