Tatala se upega o fesootaiga a leoleo mo tagata leiloloa

O tagata leiloloa i totonu o niu sila o le a mafai ona faalauiloa i luga o se upega o fesootaiga a leoleo ua maea nei ona tuufaatasia. O tausaga taitasi e maua ai e leoleo le oo atu i le 8 afe o lipoti o tagata leiloloa. Mai ia i latou na lipotia o loo leiloloa o le 95 pasene ua toe maua i totonu lava o le 14 aso muamua talu ona lipotia.O le satini leoleo o Linda Simpson sa ia faailoa e silia ma le 350 tagata na leiloloa mai ua silia nei ma le tausaga ma ua faamoemoe o le a fesoasoani tele le website lea i le sailia o ni faamatalaga faatatau ia i latou.E mafai ona tuu ai e tagata ni faamatalaga i luga o lenei website pe afai e silafia ia tagata ae le tau faailoaina le tagata e ana ia faamatalaga o lona uiga e mafai ona faalilolilo le tagata e ana faamatalaga ia ua tuuina i leoleo e ala i le website lea.O se taimi ona faamautu mai lea o le tuatusi o lea upega o fesootaiga.