Ua mae‘a nei le faamoemoe na alo atu i ai le mamalu o Samoa o loo alaala ma papaaao i Ausetalia, i le sailia o se tamaitai talavou e tauaveina le pale o le Lalelei poo le Tausala Samoa, ia poo le Miss Samoa Ausetalia mo le 2010-2011.

O le tamaitai o Sallie Wulf-Peterson ua avea nei ma Miss Samoa Ausetalia 2010-2011. O le 1st Runner-up, poo le tulaga lua, o le tamaitai o Rebecca Sutherton.
O le tulaga tolu poo le 2nd Runner-up, o le tamaitai o Danielle Lelo. Ma le tulaga fa poo le 3rd Runner-up, o le tamaitai o Stacey Vaoga.

Na autasi finagalo o i latou sa tapenaina lenei tauvaga ina ia faia i Sydney i lenei tausaga auā ua talafeagai lea ona o le Setete o Niu Sa Uelese o loo alaala ai le tamaitai o Grace Schmidt Alai (Miss Samoa Ausetalia 2009-2010).

E toavalu (8) tamaitai lalelei sa tauvā. E toalua mai Brisbane ma le toaono e alaala i Sydney. Na leai se vaipanoa e avanoa o le nofoaga e faapitoa mo faamoemoe tetele faapenei “The La Luna Lounge i Bankstown” i le Aso Faraile na se‘i mavae atu nei, ona o le fia maimoaina poo o ai se tasi o le a tulai mai ma malaga atu i Samoa i le tauvaga tele i le masina o Setema.
Sa taitaia i se sauniga faapitoa na saunia e lana auauna, le Susuga ia Rev Faauuga Siitia o le EFKS, ona amata faagasolo lea o polokalame masani.

Iuga o le Tauvaga
Best Talent: Sallie Wulf-Peterson Best Interview: Sallie Wulf-Peterson
Best Sarong: Sallie Wulf-Peterson Best Traditional Wear: Sallie Wulf-Peterson
Best Puletasi: Rebecca Sutherton Miss Charity: Desserree Lipano-Togia
Miss Photogenic: Rebecca Sutherton Miss Friendship: Desserree Lipano-Togia
Miss Internet/Miss Popularity: Faaselegā Julie Oloapu
M.S.A Disciplinary Award: Stacey Vaoga
3rd Runner-Up: Stacey Vaoga (Miss Siitia Family)
2nd Runner-Up: Danielle Fofoga Lelo (Miss Haison Pacific)
1st Runner-Up: Rebecca Sutherton (Miss EFKS Canterbury)

WINNER: Sallie Wulf-Peterson (Miss Ozzy Tasi Fashion and Sel’s Fashion)

Faamasino o le Tauvaga
Senior Judges: Sekolasitika Satui
Sitagata Atonio Tominiko (Peresitene Fono Aoao a Tagata Samoa Sydney)
Michael Rhoudes (alii loia)
Juan Perez (Ku-Ring Gai City Council)
Eugenia Ulla McFall (Miss Samoa Ausetalia 2004-2005)

Special Judges: Gead Sitika
Panel: Charles Palupe (alo o Tofaeono Palupe)
Oketi Tulaga (Sydney)
Maggie Gipsons (Radio presenter, singer/entertainer)
Malagamaali Sonny Wilson
Malaemie Fruen (Days Outridge Director Arts Center)
Loretta Marina Frost (Miss Samoa Australia 2006/2007)
Gasetoto Laulu

Fofoga o le Po: Mata‘afa Mafi Mata‘afa (Fono Faufautua Sydney)
MaryJane McGibbon-Schwenke (Former Miss Samoa/Miss South Pacific)

Komiti Faafoe o le Tauvaga i lenei Tausaga
Director: Talevu Koleta Galumalemana
Secretary: Eseta Frost
Treasurer: Feagia‘i Lilomaiava
Public Relations Advisor: Muliagatele Filipina Petelo
Senior Advisor/Coordinator: Taliaoa Sunite Tulia Filiki
Cultural Manager: Taefu Patea Taefu
Advisory Panel: Muliagatele Filipina Petelo,
Taliaoa Tina Nite, Filiki Tina Taefu
Sydney Head Committee: Eterei V Kepu

Na mataalia faamasino uma i o latou tiute fai auā o lupe na seu silasila i le faatautaia mae‘ae‘a o vaega uma e ono lautogia pe agavaa ai soo se tamaitai i lea foi tausinioga.
E toatele malo faaaloalogia aemaise le paia ma le mamalu o Samoa sa maimoaina le lalelei o tausala ia latou teuga eseese. Na faigata foi le galuega na alo i ai faamasino i lea afiafi, auā sa leai se tasi o tamaitai tauva na faaletonu sana tapenaga na alo atu i ai, aemaise foi galuega mamafa na feagai ma sponsors poo i latou na lagolagoina tamaitai tauva taitasi.

Peitai i soo se tausinioga lava, e tatau lava ona iai se tasi o le a tusi aao i ai faamasino, ua matilatila ese sana faatinoga i lea tausinioga, e pei ona ua tulai mai ai nei le tamaitai ua manumalo i le pale o le Tausala Samoa poo le Miss Samoa a Ausetalia, mo lenei tausaga 2010 e oo i le tausaga fou 2011.
O le tamaitai ua pale mai nei i le tofi o le Miss Samoa Ausetalia, e 21 ona tausaga, ma o ona tuaa o Tina Wulf-Peterson mai Auala i Savaii ma Falealili i Upolu, ma lona tama o Ian Peterson mai Egelani ae o loo aumau nei i Sydney.

E momoli le agaga faafetai tele o le Komiti o le Miss Samoa Ausetalia i le tamaitai o Grace Shcmidt Alai sa tauaveina le tofi o le 2009/2010, i ona tiute tauave a o tulai mai.

E faapitoaugafa se faafetai i susuga i faafeagaiga ma faletua, ekalesia faapea le paia ma le mamalu o Samoa uma sa lagolago ua maopoopo ai ma iu ma le manuia le faamoemoe.

Faafetai tele i le Peresitene o le Fono Aoao a Samoa i Sydney ma le laulauafono faapea le fono ona o faaaloaloga ma teuga eseese sa faaalia ai valevale alofa.

Manuia le tulai mai o Sallie Wulf Peterson i lenei tausaga Miss Samoa Australia 2010/2011!