Toavalu taupulepule e fasioti Bainimarama
4/03/10
Tusia: Miriama Pomare
O alii e toavalu o loo tuuaia i le taupulepule e faaoolima i le taitai o Fiti o Frank Bainimarama ua maua nei e faamaonia uma o latou moliaga i le faamasinoga maualuga i lea atunuu. O le aso ananafi na faailoa mai ai lea mataupu ma ua faamaonia ai le molia i le taupulepule e fasioti. O alii ia e toavalu e aofia ai ma le matai taua o se tasi o faaitu o le atunuu o Naitasiri, se tasi sa avea ma faauluuluga o le vaega o suesuega a Fiti, se alii faipisinisi ma isi sa avea muamua ma fitafita i le ami a le atunuu. O le aso muamua o Aukuso agai mai i le aso 3 o Novema 2007 na faia ai taupulepulega ia.
Share it on:
